29
Mar
08

My hospitaal mission

So spring ek mos vanoggend vroeg op bus 37 na die busterminaal om van daar af nr 65 te kry na die “Yo-han Beong Won” hospitaal. Hier gaan mens mos nie sommer net gou na ‘n GP toe nie, NEE, jy gaan hospitaal toe! Die dokter naaste aan my blyplek kon nie die medikasie wat ek gebruik vir my voorskryf nie en het my toe na die hospitaal verwys. Hy het in dieselfde asem gese dat almal daar engels praat.

Om “hallo” te kan se beteken nie jy kan engels praat nie!!!

So klim ek toe nou eventually op nr 65 en weet ook nie eers waar die stop is waar ek moet afklim nie. Ek het geweet ek gaan tien teen een verdwaal, maar op ‘n stadium was ek die enigste siel op die bus en toe vra ek maar die busdrywer om my te se waar ek moet afklim. Dit als in baie beperkte koreaans!

Hy het my sommer in die middel van nerens afgelaai met geen bushalte in sig en toe is ek eers goed deurmekaar oor ek nie weet waar ek is en waarheen ek moet gaan nie. Dit help natuurlik om net diep asem te haal en die koreaans te lees 🙂 Die hospitaal was net oorkant die pad.

Ek stap deur die glasdeure vol moed met al my papiere en SA voorskriffie reg, net om uit te vind “no englishie”. Soos manna uit die hemel kom ‘n omie aangestap met ‘n bos silwer hare en hy begin engels praat. Ek was so verlig. Hy is ‘n Ier wat al 20jr in Korea bly en hy het my toe na die regte plek gevat en gehelp om te registreer en die dokter te sien en en en. So kom ek toe nou ook agter dat die skrefiesoog dokter vir my nie die regte hoeveelheid meds gegee het nie en toe moes die Ier maar weer help. So het ons op en af gehol tussen toonbanke en dit met iemand wat die taal kan praat en verstaan aan my sy!!!

Hy was nogal snaaks gewees en het my vertel dat hy eenmaal vinnig in SA was oppad na Malawi en dat dit (Malawi) iets is wat hy net nooit weer wil ervaar nie. Ek het maar net gelag. Hy het my ook vertel dat die hospitaal deel is van die een of ander Rooms Katolieke ding en dat hy tegnies ‘n monk is! Dit het my laat dink aan iemand wat eenkeer vir my wou laat glo hy is ‘n virtuele monk…ek het net gesmile.

So het die ou toe nou sy kontakbesonderhede vir my gegee en mooi verduidelik hoe om hom aan die hande te kry as ek issues het. Dit was ‘n interessante en snaakse ervaring gewees (of dalk is dit net ek). Ek het toe ‘n rigting op voet ingeslaan en gehoop ek kom by iets bekend uit. As ek geweet het hoe naby dit aan die bustrminaal is het ek sommer gestap, want ek moes so lank vir bus 65 wag en die het soveel draaie gery dat ek nie ‘n idee gehad het van waar ek is nie.

So leer ‘n mens die plek ken en om hier te verdwaal is nie meer vir my so issue nie, want ek ken darem nou al my adres en daar is BAIE taxi’s. Ek moet net stadig die adres in Koreaans se, want daar is 2 woonbuurte met dieselfde naam maar vrek ver uitmekaar. Soos julle kan raai het ek al in die verkeerde een opge-eindig en dan word jy sommer uit die taxi gegooi as jy verduidelik dat dit nie is waar jy wil wees nie.

Advertisements

5 Responses to “My hospitaal mission”


  1. Maart 29, 2008 om 5:17 nm

    Liewers jy as ek! O koek, ek sien jou daar by jouselwers op die bus sit, all dressed up and no clue were to go! Dankie tog vir Ierse Omie Monks. Geniet elke nuwe ervaring man!

  2. Maart 29, 2008 om 5:27 nm

    HAHAHA! Never a dull moment en ek geniet die uitdagings al is dit hoe “eenvoudig” Ek kan tog altyd lag daaroor en vir my optrede in sekere situasies!

  3. Maart 30, 2008 om 7:29 nm

    Klink omtrent soos ons Sweedse dokters mission – en hier praat almal Engels! Die sisteem is net so effens ingewikkeld om te verstaan…

  4. 4 boendoe
    Maart 30, 2008 om 9:49 nm

    Ag, ek dink die ou omie was regtig ‘n engel wat op jou pad gestuur is. Sulke goed gebeur mos nie net ‘sommer’ nie!

  5. Maart 30, 2008 om 10:15 nm

    NJ: Ek het toe later uitgevind van hulle kan engels praat, maar is te skaam!!! Hallo! Ek gee nie om hoe gebroke dit is nie, want ek verstaan niks koreaans nie 🙂 Die sisteem hier is ook een wat mense met logiese denke heeltemal confuse! Dit werk goed, maar alles moet altyd so blerrie ingewikkeld wees en is glad nie logies nie.

    Boendoe: Ek stem 100% saam, want ek is seker ek sou moed verloor het en net geloop het as ek self die storie moes probeer uitfigure. Al is die omie koreaans magtig het hy ook ‘n paar keer net sy kop geskud en skeef geglimlag! “Nothing is simple in Korea” was sy woorde. Gelukkig kan ek hom bel as ek weer meds moet gaan haal.

    Ek het ook al geleer om net te lag as hulle nie weet wat jy wil he nie, want dan ontspan hulle so bietjie en dan begin ek maar prentjies teken en handgebare gebruik. My apteker lag altyd as hy my by die deur sien inkom, want dis altyd ‘n moviese storie!


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s


Kalender

Maart 2008
M D W T V S S
« Feb   Apr »
 12
3456789
10111213141516
17181920212223
24252627282930
31  

Wie’s hier…

counter

Van waar gehasie?

Waar is wat?

Flickr Kiekies

waarnatoe volgende...

  • Geen

Blog Statistieke

  • 44,415 houe
Page copy protected against web site content infringement by Copyscape

Bladsye


%d bloggers like this: