Archive for April, 2008

30
Apr
08

Dit spuit my…

 

 

 

Dit “spuit” my om te se dat ek al vir my freakin’ 5e inspuiting gegaan het in die laaste week en ‘n half!!! My boude kan nie meer nie en ek wil ook nie meer nie! Die eerste lot was vir die griep en dit het gewerk. Die res was vir die migraine waarmee ek van Maandagoggend 3am mee sit! Niks wat die blerrie skrefies vir my gee werk vir die pyn nie en die gewone medikasie wil ook nie meer werk nie.

Dit voel of iemand my oog met ‘n chopstick probeer uithaal en in die proses sommeer my harsings ook bietjie deurmekaar krap. (So asof die persoon ook nie lekker met die goed kan werk nie en vir die eerste keer rys daarmee probeer eet) Ek het ‘n hoe pyndrempel oor die algemeen, maar hierdie is wragtig nie meer snaaks nie. As jy my nou moerig wil sien dan moet ek mos nou ‘n kopseer he, ‘n gat vol bloukolle (en dit verniet), koreaanse brode wat nie hul toets kon skryf nie, want hulle kan nie flippen lees of verstaan nie en ‘n klomp verpleegsters wat vir my lag oor hulle my weer moet inspuit!!!

Ek voel soos ‘n pincushion!

pincushion flower

Nee, nie die blomsoort nie (if only) !!! Ek dink ook nie die medikasie hier is so sterk nie, omdat die mensies so klein is. Die blerrie goed werk net eenvoudig nie en die ontvangsdames by die hospitaal ken my al op die naam en vra nie eers meer my mediesefondskaart nie…

Ek was die afgelope ruk meer by die dokter as die afgelope 5jaar en nie oor ek dodelik siek was nie, maar omdat ek nie myself d.m.v. ‘n apteek kan regdokter nie. En dan natuurlik omdat hulle jou net 2 of 3 dae se meds op ‘n slag gee sodat jy MOET teruggaan dat hulle jou opcheck!

 

accupunctureWel, as alles goedgaan dan gaan ek nou behoorlik die dam onder die goue gans uitruk en die naweek gaan vir akkupunktuur! As hulle my dan nou so vol naalde wil steek, sal ek hulle wys…ek is nie bang nie en op die stadium is ek so blerrie desperaat dat ek sal betaal dat iemand my vol spelde steek! Ek hoop dit werk! (As ek die vorige sin weer lees klink dit bietjie snaaks 😉 )

 

 

 

Hierdie ou het my SO aan myself laat dink…

jkon587l

24
Apr
08

Lost in translation en ander snaaksighede… (1)

Ek deel graag met julle net ‘n paar van die snaakse goed wat ek kon bymekaar maak. Ek het ongelukkig nie al die foto’s self geneem nie, maar mens raak ook so gou gewoond aan die Koreane se manier van skryf en praat dat mens dit soms miskyk.

 

 

24hours

bikini univ

Links: En ek dog daar’s net 24 uur in ‘n dag…

Regs:So, hoeveel manne skryf elke jaar hier in???

 

 

 

 

bbq

Bo: Hou dit maar hoor, julle ken tog nie van braai nie!

 

 

 

cock restaurant (Gwangju)

Downtown mission(22Mrt) 100

Ek wonder oor die sportwinkel en restaurant, want hulle is nie baie ver van mekaar af hier in downtown…

 

 

dart club

Koreane het ‘n ding met hoenders.

 

Die foto hieronder is die naam van ‘n “fashion label” hier in Korea en dit sal net snaaks wees as jy Afrikaans verstaan.

 

 

Downtown mission(22Mrt) 097

Ag, nou praat jy sommer kai-aak man!!!

 

 

fire escape

Links: Hul idee van ‘n grap by ‘n brandtrap freshness seafood

Regs: Verskil die graad van varsheid???

 

 

 

 

 

gwangju(new year) 019

gwangju(new year)Patrick 342

Links: ‘n Bekende naam in Korea. Daar is ook ‘n Kolon hotel…ek belowe vir julle!

Regs: ‘n Klerewinkel…enough said about their line of clothes…

 

 

 

 

handicap mall

nude sales

 

Is dit nou soos in gholf of moet jy rerig ‘n handicap he??? Wonder of die nude sales enige verband hou met die handicap mall…

 

 

 

 

love sale

lovely

 

 

En ek dog mens kan nie liefde koop nie!

 

 

 

 

 

motion

 

 

 

pharmacist toast

toasttestes

 

Pharmacist, toast and testes…mis ek iets???

 

 

 

 

 

 

slipperily

 

Ek het nog ‘n hele paar van hierdie tipe goeters, maar sal dit later hier op my blog sit…so ek reken hierdie is dan deel 1 of so iets.

23
Apr
08

Die GROOT griep…

birdflu

 

Soos my luck mos nou is, sal ek siek word en terselfdertyd sal daar mos die een of ander voelgriep uitbraak wees. En nie waar nie, in my provinsie!!! Hulle reken dis alles onder beheer, maar mense as julle voel soos ek voel sal julle ook begin wonder! As die blerrie dokter net nie so geheimsinnig was oor die diagnose en medikasie nie, sou ek ook beter gevoel het. Ek word nie sommer siek nie en griep is ook nie iets wat sommer verby my immuunstelsel kom nie, maar die keer het hy vir my in ‘n wurggreep! Twee dae in die bed en vandag moes ek die “liewe” kleuters gaan face, want hier het mens net 2 dae siekverlof!!! I’ve used up all my sick days. Next time I’m calling in dead!!!

My boude is blou gespuit en die verpleegster skud net haar kop en glimlag skeef! Bly sy vind dit so ammusant… Al waarvoor ek seker kan hoop is dat ‘n paar van daardie geel mannetjies wat my so pla voelgriep kry!

Daar is ‘n paar siele wat bekommerd is oor die virus wat so vinnig muteer en hulle is veral bang dat dit later selfs van mens tot mens oorgedra kan word. Al wat ek weet is dat ek vir ‘n rukkie nie kiepies of hul aborsies gaan eet nie!

17
Apr
08

Krakende kakebene!

Nee hel, so kan dit nie langer aangaan nie! Hierdie spul Koreaanse mans is besig om ‘n spidertannie van my te maak, want stadig maar seker is ek besig om die mure uit te klim. Al wat ‘n man is try sy luck met my en ek is nou gatvol vir die geel gifappeltjies en hul sogenaamde skadeloosheid!

Laat ek by die begin begin…

Mens kry baie dat hulle jou aangaap en uitvra oor waar jy vandaan kom ensovoorts en dit was aanvanklik nie ‘n probleem nie. Hulle is seker maar net nuuskierig en stel belang, wel ja, maar in meer as jou land van herkoms…

Die 1e voorval: Ek was so 3 weke in Korea toe ‘n kennis van een van my kollegas aangebied het om my bietjie rond te wys. Natuurlik het ek dit nie van die hand gewys nie, want dis tog iemand wat sy ken…So is ek toe saam met hom Yeosu toe. Ek was so opgewonde en die plek het so mooi gelyk, aangesien dit teen die kus is en daar ‘n hele reeks eilande is. Dit was blerrie koud gewees en ek het dit nie regtig so baie geniet nie. Ons het die Vrydagaand laat eers daar aangekom en bietjie gaan rondloop en toe het ons ‘n blyplek gaan soek. So, babbel die ou in Koreaans en ek neem aan hy kry 2 kamers! O nee!!! Een kamer met ‘n dubbelbed en hy plant homself so ewe op die bed en se ek moet daar langs hom park!!! Amper kry Yeosu nog ‘n eiland by…ek het hom mooi laat verstaan dat dit nie is hoe hierdie girl werk nie en ek soek my eie kamer en my eie bed! Needless to say, het ons vroeg Saterdagoggend teruggery en het ek ook nie weer van hom gehoor nie!

Ek het maar aangeneem dit was ‘n frats happening, want ek het mos sulke bad luck! Dit was nog lank nie die einde nie…

2e voorval: Ek was een Sondagaand oppad terug na my stad vanaf Daegu (so 3ure se ry) en moes daar by die busterminaal vir ‘n rukkie wag voor ek ‘n bus kon kry. Ek het toe maar iets gaan eet by die Lotteria (soos McDonald’s, maar beter) oorkant die pad. Daar sit ek rustig en smul aan my paprika, bacon en bulgogi burger, just minding my own business. Klaar ge-eet staan ek toe op met my coke in die een hand en sak in die ander, oppad terug na die busterminaal. Intussen het ‘n omie daar ingestap, maar loop toe sommer agter my aan en weer uit. Hy groet my so ewe vriendelik in sy beste engels en ek groet toe maar terug. Daar is mos niks daarmee fout nie!? Toe ek weer sien het hy my aan die hand beet, reg om saam met my oor die pad te stap. Ek kan mos nie sulke goed hanteer nie en het half histeries aan die lag gegaan van ongemaklikheid. Ek het so bietjie begin panic, want die man babbel in koreaans en ek weet nie wat hy se nie en hy glimlag van oor tot oor. (Seker gedink hy het die jackpot geslaan!) Ek haal toe net diep asem en reken hy is seker maar net vriendelik en as ons aan die oorkant kom sal hy sekerlik sy gang gaan. Hoe verkeerd kon ek nie gewees het nie!!!

In die proses om oor die pad te stap, het die omie mos goed gedink om aan my gat te vat en toe word ek so met gebroke engels en handgebare in die rigting van ‘n Motel gedwing. MY GOODNESS!!! Ek dog ek bou net daar ‘n eiland/middelman!

Ek weet nie hoeveel keer ek “NO” gese het nie, maar die dude is op die ou einde saam met my die terminaal in en al wat ‘n Koreaan was het my skeef aangekyk oor die ou so aan my hang en ek my wil doodlag! Kyk, dit was alles behalwe snaaks op daardie oomblik, maar om te lag is my coping meganisme. Nou staan ek met die coke in my een hand en met die ander in my baadjiesak, dan haal hy my hand uit my sak en vleg sy verdomde sushivingers soos koeksisters in myne. Dan ruk ek los en vat die coke met daai hand en steek die ander in my sak. So het hy al om my gedans, totdat ek dit regtig nie meer kon uitstaan nie. Ek het toe ‘n hoesbui “ontwikkel” en in die badkamer gaan wegkruip! Ek weet nie hoe lank ek daarbinne was nie, maar toe ek uitkom staan hy so ewe en wag! Daar het ek besef ek moet hol, en glo my, ek het! Ek het toe so vinnig as moontlik op my foon gespring om eers die grap aan iemand oor te vertel en toe hy sien ek praat op die foon stap hy so ewe ‘n draai om my en slaan ‘n ander rigting in!

3e voorval: ‘n Jong knaap wat saam met my op die bus is oppad Gwangju toe begin met my gesels by die bene-rek-stop. Hy kon ook nie regtig engels praat nie en ek was min lus vir die gesukkel. Ek drink toe my koffie klaar en stap rustig terug na die bus. Sal hy my toe nou nie sommer so aan die arm rondtrek om langs hom te gaan sit agter in die bus. Ek het hom net een kyk gegee en gese “NO!” Hy was persistent en het amper my arm afgeruk. Ek weet nie hoe dit hier werk nie, maar ek is nie een of ander prehistoriese gedierte wat aan die hare (of arm) grot toe gesleep gaan word nie! Ek het darem vinnig van hom ontslae geraak en het met ‘n spoed van die bus afgespring in Gwangju om seker te maak hy agtervolg my nie!

4e voorval: Ek is so ruk terug, sommer oppad huistoe van die skool af, daar by ‘n apteek in opsoek na meds wat hulle toe nie gehad het nie. Die ou apteker het toe maar vir my ‘n VitC drankie as troos gegee, maar dis toe nou ook nie waar dit stop nie! Hy groet my elke oggend as ek daar verby stap en nooi my mos nou die dag in en vra toe nou eers my naam en waar ek vandaan kom en ek moes prentjies teken, want die ou ken nie van die rooitaal nie. Ag, maar dis mos maar die gewone MO met die spul en ek het nie omgegee nie. Ek het toe weer ‘n VitC drankie gekry…hy het seker gesien ek lyk verkouerig.

‘n Paar dae later skree hy weer agterna (want hy ken mos nou my naam) en beduie ek moet nader staan (vir nog ‘n VitC drankie) vir ‘n vinnige koreaanse geselsie wat ek nie verstaan nie. Die keer wil hy egter my selnommer he en hy wou weet waar ek bly. Ek het net gelag en gese: “no hand-a-foun-a”. Hy was stom geslaan, want hoe kan ek nou nie ‘n selfoon he nie?! So babbel hy in koreaans en ek probeer nog verduidelik dat ek boggerol verstaan. Later moes ek hoor : “you beauti-pull” (hulle sukkel om ‘n “f” te se, so Fok sal seker pok wees 😆 ) Teen daardie tyd wou ek al op die grond rondkruip, dik van die lag, maar hou dit toe wonderbaarlik in. Die volgende oomblik uiter hy ‘n hele sin in engels “I love you!”. Ek het net daar uitgebars van die lag en vir die man beduie hy is simpel. Ek het omgedraai en geloop! Deesdae groet hy my nog, maar ek wys net altyd op my horlosie dat ek haastig is en dan draf ek verder. Ek moet ongelukkig elke dag daar verby stap, want dis die enigste pad skool toe…

Behalwe vir die voorvalle was daar ook onlangs ‘n jong taxidrywer wat draaie met my gery het en allerhande praatjies gemaak het. Ek het al gesien hoe spring ek by die kar uit. Dan was daar ook een knaap wat “privaat” engelse lesse wou gehad het en daarop aangedring het om dit in my woonstel te doen (no pun intended). Excuse me, daar is net GEEN manier nie!

Dis tye soos die wat ek wens ek was so lelik soos die nag, nie dat ek enigsins dink ek is ‘n oil painting nie en nog minder ‘n model! Wat die Koreaanse mans se gedrag aanbetref, dink ek ek gaan tog van die Amerikaanse girls blameer. Ek weet vir ‘n feit van girls wat daarop uit is om te kyk hoeveel koreane hulle in die bed kan kry. Hulle hou score met behulp van ‘n telbord op hul yskas!!!!! En dit is ook algemene kennis onder die Koreaanse mans as hulle bietjie aksie soek. Die eerste ding wat hulle jou ook vra is of jy van Amerika af kom.

Dit maak my sommer moeilik en ek haat dit om heeltyd goed uit te dink om die mense te kry om my uit te los!

16
Apr
08

???

 

Ek wil skree! My verstand werk oortyd, my hart mis ‘n paar slae en my maag maak sulke Kaapse draaie! Ek loop nou al ‘n rukkie met hierdie vreemde gevoel in my dat iets nie pluis is nie. Daai 6e sintuig waarvan die mense so praat. Gewoonlik luister ek nogal daarna, want dinge het net al te veel kere gebeur wat vir my ‘n aanduiding was dat dit nie net toeval was dat ek so gevoel het nie.

Hierdie keer het ek dit egter so bietjie geignoreer en ek weet nie hoekom nie. Ek het seker maar gehoop die gevoel gaan oor en dat dit dalk net my verbeelding is. Vanmiddag toe ek egter vir ‘n wyle weer op my agterwereld kon sit, toe slaan dit my vierkantig tussen die oe! Ever since draai my maag asof ek more ‘n helse belangrike eksamen gaan skryf of iets. Ek het nou al met almal gepraat wat ek kon om seker te maak almal is ok. Die hele spul is nog “well, alive and kicking”. Nou wat nou???

Die laaste keer wat ek so gevoel het was daar net k@k en hare, ‘n geween en ‘n gekners van tande! Diep binne my is ek vrek bekommerd en blerrie bang! Dis nie lekker om nie te weet hoekom ek so voel nie!

15
Apr
08

Prentjie-mooi…

blomme

Die lente is hier en die somer is sterk oppad, wel ek dink so in elk geval! Ek het so fine feeling ek gaan behoorlik les opse hierdie somer in Korea aangesien my ou blyplekkie sonder lugversorging is. Ek het nie gedink dit is so issue nie, maar al wat ‘n Koreaan is lag net en skud hul koppe as ek se dat ek nie lugversorging het nie. ‘n Paar ander buitelanders wat al met die somer kennis gemaak het hier het my alle sterkte toegewens!

Ek weet nou waarvan hulle praat! Dis nou eers lente en die temperature draai nou nog eers hier tussen 18 en 22 en ek wil doodgaan. Dalk voel dit net so erg omdat die winter so blerrie koud was…dis nie so warm nie, maar erg bedompig!

 

kersiebloeisels

Behalwe daarvoor is alles regtig asemrowend mooi en die kersiebloeisels het die eens stokagtige geraamtes in ‘n sprokie verander. Ek noem dit warm sneeu…dit lyk regtig soos sneeu op die bome met die plate wit blomme en as die wind waai dan reen die bloeisels na onder, so asof dit sneeu, maar sonder die koue.

 

kersiebloeisels

kersiebloeisels

 

Dit word deesdae ook vroeer lig en later donker en die voeltjies se gesing is reeds vroegoggend hoorbaar as al wat ‘n skrefiesoog is nog in droomland is. Die bome en struike pronk met nuwe groeipunte en lowergroen blare wat orals uitloop. Die landskap word ingekleur met die helderste blomme gesigte.

 

geel struik

 

daar word geplant

Al wat ‘n stukkie oop grond is word omgeploeg en al wat somergroente is word geplant. Ek is ook ingespan om saam met die kleingoed aartappels te plant en het dit so geniet om met my hande in die grond te grou. Ek wens julle kon hulle gesigte sien! Hulle het nogal gegril vir die stukke aartappels wat hulle moes plant en om so aan die grond te vat sonder handskoene was duidelik vir party ook nie baie snaak nie!

 

die man gril so bietjie

Ek het so week terug bietjie gaan stap en net weer besef dat die Koreane ‘n siek sin vir humor het of hulle is nou maar net erg oor hul oefening. Die bergie wat ek uitgestap het het my behoorlik laat blaas (ek weet ek is alles behalwe fiks en was ook nie 100% gesond nie) en toe ek uiteindelik bo uitkom het ek hierin vasgekyk…

Ek het sommer net begin lag. Ek meen, really!!! Dit maak my net moeg om nou daarna te kyk, wat nog van as ek ‘n moerse opdraende uit is?!

Ek het darem ‘n mooi sonsondergang gesien so op my pad af na onder wat dit van voor af die moeitewerd gemaak het.

sommer net 2007 364

10
Apr
08

die agt(oggie) dinge tag…

8 goed waaroor ek erg is (passionate)

kuns (alle vorme)

wetenskap

musiek

boeke (het al te veel geld op boeke uitgegee…)

allerhande gediertes

om te gee eerder as ontvang

mense

foto’s

8 goed wat ek wil doen voor ek die emmer skop

valskerm spring

ek wil die “northern lights” sien

‘n reis om die wereld saam met die een wat ek lief het

scuba

ek wil ‘n “open heart surgery” sien of iets soortgelyk en ingewikkeld

leer kitaar speel

onderhoud met ‘n famous serial killer (ek stel belang in hul psige OK!)

leer surf

8 goed wat ek gereeld se

freakin’ hel

“wanneer is dit naweek?”

jy’s ‘n regte brood!

ag, k@k man

does it look like I understand Korean, do I look Korean huh?

no shit Sherlock!

Annyong haseyo

kamsahamnida

8 boeke wat ek onlangs gelees het

het lanklaas gelees…

dis ek, Anna (Elbie Lotter)

Versamelde gedigte van Igrid Jonker

a million little pieces (James Frey)

the world’s most infamous serial killers

harry potter – half blood prince

Portrait of a killer: Jack the Ripper – case closed (Patricia Cornwell)

there was an old lady who swallowed a fly (voorgeskrewe boek vir die koreaanse kids OK!)

In stede van die liefde (Etienne van Heerden) nog besig daarmee

8 liedjies wat ek oor en oor kan luister

Summer of ’69 (Bryan Adams)

Radio nowhere (Bruce Springsteen)

Into the ocean (Blue October)

Angel (Jack Johnson)

Enige ABBA song

Crimson and clover en so paar ander van Joan Jett

All the same (Sick Puppies)

Gone fishing / On the beach (Chris Rea)

8 liedjies is te min man!

8 flieks wat ek 8 of meer kere gesien het

ek kyk selde ‘n fliek meer as 2 keer so ek lys maar ‘n paar…

Identity

A river runs through it

American Beauty

August Rush

Mistress of Spices

Memoirs of a Geisha

Autumn Spring

Mindhunters

weereens is 8 hopeloos te min…

8 bloggers wie vriendelik gevra word om saam te speel 👿

Boer in Ballingskap

Rosalind Franklin

Sonkind

NetJane

Zee

TristonJ

DGS

DM

As julle reeds getag is, jammer om van julle bollie te hoor 😆 Speel tog net saam en kry dit agter die rug….




Kalender

April 2008
M D W T V S S
« Mar   Mei »
 123456
78910111213
14151617181920
21222324252627
282930  

Wie’s hier…

counter

Van waar gehasie?

Waar is wat?

Flickr Kiekies

DSCF1460

DSCF1458

Yeosu 3 Okt 253

Yeosu 3 Okt 251

More Photos

waarnatoe volgende...

  • Geen

Blog Statistieke

  • 44,095 houe
Page copy protected against web site content infringement by Copyscape

Bladsye