Archive for Junie, 2008

28
Jun
08

Koreaanse treffers

MC Mong is ‘n wel bekende Koreaanse kunstenaar en tot my kindertuinkindertjies sing uit volle bors saam.  Ek hou nogal daarvan en dink ek is effe verslaaf aan die “tune” op die oomblik 😳

The Show goes on deur Monkey Circus

 

Hierdie is vir my nogal ‘n interessante video en hier vergelyk hy die liefde en die girl met roomys…weird…as ek alles kon verstaan sou dit seker meer sin gemaak het.

 

Icecream deur MC

 

 

 

23
Jun
08

My motto of iets in daai lyn…

Pikkie het my getag en ek weet dis laat, maar eerder laat as nooit!

Ek het meer as een motto (ek dink), maar die twee goed wat ek altyd doen is om te lag en om my kop hoog te hou.  Die wat my ken weet ook, die dag as ek ophou lag en grappies maak, kan hulle my maar begrawe.  Ek probeer om altyd die beste van ‘n slegte saak te maak en om die humor in alles te sien, al is dit hoe sleg.  Om dit te doen is maar hoe ek cope met die dinge wat die lewe soms na ‘n mens se kant toe gooi.  Almal verstaan dit nie altyd nie, maar wie gee om?  Om die snaaks in iets slegs te sien maak die seer minder, maar dis net ek…nie altyd 10-4 nie, maar dis ek!

Naas om altyd te lag is die volgende dan nou maar seker die eintlike motto:

Life’s a journey, enjoy the ride…as die pad vol klippe is en moeilik raak, kry ‘n 4×4

 

en as die pad gelyk en langs ‘n mooi roete verbygaan, kry ‘n Porche.

 

Moet net NOOIT ophou reis nie!!!

 

 

 

 

 

 

17
Jun
08

Aquana waterpark

pics 035

pics 039

 

 

 

 

 

 

Vroeg vanmore is ons hier weg met ‘n spul opgewonde kindertjies en glo my, dit help nie as mens ‘n kloppende monster in jou kop het nie! Dit daar gelos…het ek ‘n heel aangename dag gehad.

 

pics 044

pics 047

 

 

 

 

 

 

Ek moes natuurlik na die terries omsien en daar het so 2 weke terug nog een bygekom, so dit gaan maar moeilik met die rooitaal. Hy reageer op sy Engelse naam en verder hoor hy niks!

 

pics 076

 

 

Die waterpark (Aquana) is grotendeels onderdak, wat dit baie lekker maak as die weer so misluk was soos vandag. Natuurlik hoef mens dan ook nie te worry oor sonbrandroom en verbrande kinders nie. Ek moes net kyk dat die lot nie versuip nie, wat nogal moielik is as daar nog 300 ander kinders van ander skole rondskarrel.

 

pics 094Ek wou natuurlik nie die heeltyd in die vlak water rondplas nie en het die 4 mannetjies met BAIE moeite oortuig om die waterwurm saam met my aan te durf! Dit was vrek lekker en ek het myself amper versuip in ‘n poging om hulle almal bo te hou… pics 108

Die plek is regtig baie nice ingerig vir die kinders met allerhande speelplek. Vir die ouers is dit eintlik meer van ‘n spa met aromatiese borrelbaddens (Die rooie was “rose”, groen was appel en die blou ene was “tropical fruit”. Daar is ‘n rooiwyn en Jasmyn een ook, maar hulle het seker geweet ek gaan daar wees vandag) buite en maseringsgeriewe binne.

 

Daar is ook allerhande saunas en meridiaanse behandelingskamers en what have you not! Oooh! En dan was daar ook van daai “dr. fish” waarvan BiB so ruk terug gepraat het. Ek moes dit natuurlik probeer en dit was al te lekker!

 

pics 089

 

 

 

vissies

 

 

pics 111In die groot swembad wat onderdak is is daar oral sulke “water massage jets” en ek het goed daarvan gebruik gemaak. Die twee Koreaanse kollegas wat saam was het gelyk of hulle alles onder beheer het en ek het toe so bietjie verdwyn met my terries daar na die aromatiese borrelbaddens. Die een het blou moord geskreeu vir die groen water wat soos ‘n heksebrousel lyk, maar hy het op die ou einde in die blou een gaan sit.pics 143

Middagete was ‘n fees en die restaurant het alles reeds uitgesit vir ons…dit het soos vakansie gevoel. Na middagete het die kids nog bietjie gejol en ek het verder ontspan. Later is almal deur die stort gejaag en toe is ons weer terug skool toe.

 

 

Is hierdie nie die beste toestand om kinders in te sien nie???

 

 

pics 194

pics 193

 

 

 

 

 

 

Ongelukkig het ek ook so gevoel, maar moes klasgee vir die ouer kinders… Vanaand weet ek van nog iemand wat baie lekker gaan slaap…

 

pics 125

pics 112pics 137pics 176pics 177pics 178

 

 

 

 

 

 

 

 

13
Jun
08

Vrydag die 13e!!!

Vir al die paraskavedekatriaphobia lyers…bly by die huis!  Vir die res:

Let the (stress)killing begin!!!!

 

Vandag is die enigste Vrydag die 13e die jaar…volgende jaar is daar 3!  Die geskiedenis daaragter is baie interessant, maar ek het nie nou tyd daarvoor nie (het bietjie laat wakker geskrik).  Ek is besig om gou skelm te blog tussen klasse 👿

 

12
Jun
08

Die reus en die vuurtoring op die tier se stert.

DSCF1126

 

 

Ek was so paar weke terug weer in Homigot gewees, waar die bekende “Hands of Harmony” staan. Hierdie hande is in 1999 opgerig as ‘n simbool van die Koreane se aanhoudende strewe vir ‘n beter lewenskwaliteit. Die een hand is op land en die ander in die see en my eerste gedagte toe ek dit sien was dat dit soos ‘n reus lyk wat besig is om te verdrink. Hierdie hande is regtig groot en nogal iets om te aanskou.

 

DSCF1143

DSCF1118

 

 

 

 

 

 

Homigot (Homi Cape) is op die mees Oostelike punt van Gyeongsangbuk-do Pohang Yeongilmanbaai, en is een van die beste plekke waar die sonsopkoms, reg deur die jaar, eerste in Korea gesien kan word. Homigot is ‘n baie populere plek, veral die “Sunrise Park” waar daar elke nuwejaar ‘n groot fees gehou word. (Gaan kyk hier oor die fees)

DSCF1196Die Daebo area, waar die Homigot vuurtoring staan, het ‘n pragtige uitsig oor die see. Die naam is afkomstig van ho (tier), mi (stert), and got (klein hawe). Die Koreane glo dat die Koreaanse kaart soos ‘n tier lyk en die ligging van Homigot is reg op die tier se stert. Tydens die Japanese okkupasie (1910-45), het die Japanese die naam na Janggigot verander (jang beteken haas en gi beteken stert) in ‘n poging om die Koreane se waardigheid te vernietig. Die naam is egter terug verander na 1945, alhoewel baie kaarte en padtekens nog na die Japanese naam verwys.

Homigot se vuurtoring staan 26.4m hoog (Cultural Asset #39). Die argitektuur is Westers met ‘n oktagonale vorm en is opgerig na ‘n Japanese skip in 1901 naby die kus gesink het. DSCF1191Die vuurtoring is ontwerp deur Franse argitekte en is opgerig deur ‘n spul Sjinese en is voltooi in Desember 1903. Selfs kontemporere argitekte bewonder die struktuur, omdat die baksteenstruktuur gebou is sonder gewapende beton en dit is smal vanaf die basis, wat ongewoon is vir so hoe struktuur. Dit het 6 verdiepings en elkeen se plafon is versier met peerboombloeisels wat die koninklike familie van die Chosun-dinastie simboliseer.

 

Ek het dan ook die geleentheid gehad om die vuurtoring museum (die enigste in Korea) daar te besoek. Ek is mal oor vuurtorings en hawens en dit betower my heeltemal om daarna te kyk en om te wonder hoeveel skepe oor die jare heen al om die liggie gevaar het. Daar was allerhande interessanthede in die museum, maar natuurlik mag mens nou weer nie foto’s geneem het nie, maar ek het tog my luck getry 😉

 

DSCF1228

DSCF1224

DSCF1218

DSCF1226

DSCF1227

DSCF1234

 

 

 

Buite die museum is ‘n hele paar modelle van verkillende vuurtorings, in Korea, opgerig en ek wys hier ‘n paar interessantes.

Homigot (Hanggigot, Janggi Gab, Janggigot, Changgigot)

 

DSCF1152

1903. Aktief; fokale vlak 31m; wit flits elke 12 s.

 

Hwaamchu

 

DSCF1260

1994. Aktief, fokale vlak 49 m; flits elke 10 s. Die vuurtoring was oorsprinklik 30m hoog, maar ‘n dubbelverdieping platvorm is in 1997 aangebou en staan nou 44.5m hoog.

 

Udo (Jeju eiland)

 

DSCF1249

1906. Die vuurtoring is 16 m hoog en die 6e oudste in Korea. Die vuurtoring is oorspronklik deur die Japanese opgerig, omdat dit vir hulle moeilik was om hul skepe veilig in Udo se hawe te kry. Dit was vir hulle ‘n belangrike hawe, omdat hulle wapens vir hul oorlog teen Rusland daarheen vervoer het.

 

 

DSCF1254

DSCF1252

DSCF1258DSCF1266DSCF1155DSCF1161

 

 

 

 

 

 

 

 

 

10
Jun
08

‘n Eksotiese naweek in Korea

UlleungdoDokdo(6-9Jun) 053

 

Die opgewondenheid was groot en ek kon nie wag om my voete op daai boot te sit nie. Ons het by die Ferry terminaal aangemeld en ons kaartjies omgeruil en dank Vader ons het almal ons paspoorte onthou, want die moes eers behoorlik uitgecheck word. Vrydagaand om presies 19:00 vertrek ons uit Pohang hawe oppad na die misterieuse eiland genaamd Ulleungdo. Die bootrit was heel aangenaam (aangesien ons 1e klas gery het – daar was nie ander plek nie) en dit was so stabiel soos ‘n kar op die pad. Niks se gerondwiegery en siek word nie…

 

DodonghaweDrie ure later het die boot in die hawe ingetrek en het ons voet aan wal gesit. Dit was natuurlik toe al donker en het ons nie regtig die gevoel van ‘n eiland gekry nie. Die mense van ons blyplek het ons kom haal en ons het stapafstand van die hawe af gebly wat baie voordelig was vir ons ander ekspedisies.

Ons het toe ons sakke in die kamer gaan neerplak en ons is daar uit om te gaan verken. Dit was ‘n heerlike warm aand met die vars seelug wat jy diep kan inasem. Daar is primitiewe restaurante al langs die see af met sulke opslaansambrele en plastiekstoele en -tafels en vars seekos word voorgesit (rou natuurlik, so ek het net gekyk).

Saterdagoggend is ons 6 vroeg uit die vere (om almal deur die stort te spring wat net drie strale het) om betyds te wees vir die ferry na Dokdo om 9am. Hier in Korea wag hulle natuurlik vir niemand en as die kaartjie se 9am dan moet jy al 8:50 sit op daai boot want dan word die trappe weggevat en 9am ry daai boot. Natuurlik is daar dan altyd een in so groep wat die wereld se tyd het, maar ek sal nie op die saak ingaan nie. Ek haat dit om vir mense te wag as dit by sulke goed kom en daar was net geen manier wat ek sou agterbly nie. Gelukkig het ons dit gemaak en almal is op die boot.

Ek het toe nou nie weer gebodder om enige iets te drink vir “motion sickness” nie want die vorige rit was fine. GROOT fout!!! Voor daai boot spoed begin gevang het, het hy my goed naar gewieg, maar daar was darem redding op die boot in stroop vorm. Toe die ou eers spoed vang was ek weer reg en toe ons uiteindelik by Dokdo aankom en weer stilstaan was dit absoluut ‘n asemrowende gesig om te sien. Toe kon daai boot maar wieg soveel hy wil, want ek was agter my getroue vriend, die kamera, en niks het verder saakgemaak nie.

 

Dokdo (west island)

Dokdo (east island)

 

Dokdo bestaan uit 2 groot eilande nl.Dongdo (regs) en Seodo (links). Daar is dan ook nog ‘n reeks van 8 klein eilande wat deel uitmaak van Dokdo.

 

 

Aanvanklik is daar vir ons gese dat die ferry by die eiland stop vir die mense om af te klim vir ‘n kort rukkie, maar dit het toe nou nie gebeur nie. Ek moet se dat ek nogal teleurgesteld was daaroor. As mens egter andersins op die eiland wil kom moet jy omtrent jou hele pedigree met bewyse ensovoorts aan hulle deurgee vir spesiale toestemming. Dit gaan maar daaroor dat daar ‘n dispuut tussen Korea en Japan is oor wie eintlik die eiland besit, maar ek sal in ‘n volgende inskrywing meer daaroor vertel.

So het die boot al in die rondte om die stuk rots gevaar en het ek my kamera ooreis.

 

UlleungdoDokdo(6-9Jun) 117

UlleungdoDokdo(6-9Jun) 149

UlleungdoDokdo(6-9Jun) 026

Dokdo is 87.4km vanaf Ulleungdo en kan op ‘n mooi dag van daar af gesien word.

 

Daarna is ons almal weer terug na ons sitplekke en skoon stil. Dit was ‘n wonderlike ervaring en dis nie iets wat mens met woorde of foto’s kan oorvertel nie. Ons het gou weer voet aan wal gesit en Dodonghawe in daglig gaan verken vir ‘n wyle voor ons weer ‘n ander rigting op voet ingeslaan het.

 

UlleungdoDokdo(6-9Jun) 214UlleungdoDokdo(6-9Jun) 226

 

 

Links is die klein hawe met tjokkabote en regs kan die pylinkvis gesien word wat hulle slag en droog. Die inkvis wat hier op Ulleungdo gevang word is baie gesog en bekend oral in Korea. Ek het vir my kollegas hiervan saamgevat en hulle was in die 7e hemel. Dit stink te veel en is rerig nie so lekker nie.

 

 

UlleungdoDokdo(6-9Jun) 397Ons het maar so rondgedrentel en die natuurskoon bewonder terwyl ons die tyd moes verby kry vir die volgende ekspedisie per bus. Die busstorie het so 4ure gevat (as ek reg onthou) en die drywer het darem so nou en dan stil gehou waar UlleungdoDokdo(6-9Jun) 436ons kon foto’s neem, maar natuurlik nie waar ek orals wou wees nie 😉 Ons het soveel mooi goed gesien en al langs die see afgery en dit saam met ‘n spul ou Koreane. Die bus het vir 10 min op ‘n slag gestop en dit was natuurlik hopeloos te min tyd vir my en my kamera en die busdrywer het ‘n paar keer amper vir my weggery. Ek het op ‘n stadium batterye geruil en in my haas het ek die goed by die uitkykpunt laat afval en toe moes ek eers ondertoe hol om dit weer te gaan haal. Ek wou myself skop!

 

UlleungdoDokdo(6-9Jun) 477

 

Ons het ook deur die Nari basin gery, wat dan die enigsteen grootste deel op die eiland is wat plat is en dit was pragtig. Dit was dan ook ons laaste stop vir die dag en het ons by ‘n tradisionele restaurant iets gaan eet en drink. Die spul Koreane het dit natuurlik weer oordoen en almal goed getrek op daai bussie teruggeklim. Ons het so vir hulle gelag en hulle vir ons. Toe ek weer sien het die een ou ‘n mikrofoon daar in sy hand en daar begin hy sing en almal dans op die bus. Dit was skreeusnaaks gewees.

 

UlleungdoDokdo(6-9Jun) 479

 

So het ons toe nou teruggery na die hawe en het ook eers weer donker daar aangekom. Ek was dood op my voete, maar ons moes eers gaan kos soek. Na ‘n lekker bord kos het 3 van ons afgesuiker see toe met ‘n bottel wyn, ginsenglikeur en papier shotglasies (al wat ons kon kry). Ons het vir ons ‘n lekker hoekie langs die see uitgesoek en daar het ek myself geplant en heerlik ontspan na die dag se gewoel!

Sondag was ons laaste dag en het ons ook vroeg opgestaan om die meeste daarvan te maak. Ons het die Haengnam staproete al langs die kus aangedurf en dit wat ek daar gesien het is goed wat mens net in die flieks en op tv sien. Dit was ongelooflik mooi en ek het nog nooit in my lewe so iets gesien nie. Ek het in verwondering al langs die paadjie gestap en foto’s geneem asof daar nie ‘n more sou wees nie. Dis nie iets wat ‘n kamera kan vasvang nie, maar mens moet seker probeer. Dit was ‘n baie deinserige dag, maar ek het my bes probeer om die beste van die fotogeleentheid te maak.

 

 

UlleungdoDokdo(6-9Jun) 543

UlleungdoDokdo(6-9Jun) 669UlleungdoDokdo(6-9Jun) 550

 

 

Mens verwonder jou so aan die skoonheid en die blou water en elke keer as jy terugkyk sien jy iets anders raak wat van voor af weer mooier is as enige iets wat jy al gesien het. Die paadjie kronkel deur rotstonnels en dit gaan op en af en oor waterpoele en as jy weer sien bevind jy jou in ‘n denne-en bamboeswoud net om weer verder te stap vir ‘n ander uitsig van die see.

 

UlleungdoDokdo(6-9Jun) 726

UlleungdoDokdo(6-9Jun) 741

 

 

 

 

 

 

 

 

 

 

Ons was nie eers van plan om so ver te stap nie maar toe ons die volgende paadjie sien kon nie een van ons dit weerstaan nie en was ons min gepla of daar genoeg tyd gaan wees vir al die ander goed wat ons nog in die dag wil indruk.

 

UlleungdoDokdo(6-9Jun) 786

 

UlleungdoDokdo(6-9Jun) 799So het ons toe aangestap, opsoek na hierdie wandelpaadjie en ons het dit gelukkig gekry. Ons moes met ‘n baie hoe spiraaltrap teen die krans afklouter om onder by die see te kom, maar dit was verseker die moeitewerd. So het ons aangestap en weereens die blou water bewonder en die see was so kalm gewees dat dit eerder soos ‘n meer gelyk het. Ons het al die pad omgestap tot by Jeodonghawe en van daar het ons maar ‘n taxi teruggevat om nog ‘n aktiwiteit in te prop.

Jeodonghawe

 

Terug by ons beginpunt, het ons helshoogte aangedurf en uitgedraf om die kabelkar te vang. Ek was byna dood teen die tyd wat ek bo gekom het, maar weereens was dit die moeitewerd en het daar ‘n yskoue bier bo gewag!

UlleungdoDokdo(6-9Jun) 005

 

Ons het stadig weer afgegly met die kabelkarretjie en vandaar dadelik op die boot terug Pohang toe. Ons was almal pootuit, maar dit was ‘n belewenis. Ons het reeds afgespreek dat daar nog ‘n kuier op die eiland gaan wees, so nou wag ons net vir die eerste langnaweek in Oktober.

 

UlleungdoDokdo(6-9Jun) 871

 

Vir die wat nog foto’s van die eiland wil sien gaan kyk gerus op my fotoblog

02
Jun
08

Akupunktuur…opvolg…

So is ek toe nou Saterdagmiddag weer na my geliefde naalde en spelde mannetjie toe. Ek was bietjie spyt daarna, want ek het seerder daar uitgestap as wat ek daar in is.

Ek het so effense hoofpyn gehad en het vroeg die oggend al my eerste kwota pynpille in vir die dag. Ek het daar ingestap en verduidelik dat die monster my nog teister en toe is ek weer vol spelde gedruk…niks ernstig nie. Net die ou skouers, nek en rug…weg is die hoofpyn!!!

 

DSCF4052

DSCF4055

 

 

 

                 DSCF4076

 

 

 Ek lyk soos iemand wat deur aliens ontvoer is en dan het hulle boonop vir my twee antennas ook gegee…

 

Daarna moes ek weereens plat op my rug gaan le en het hy naalde in my nek, bo-op my kop en tussen my oe ingedruk. Twee spelde het hul weg na my maag gevind en die res op my regterbeen en voet. Daar le ek toe met ‘n lekker infrarooiliggie wat heerlik warm op my skyn. Ek babbel toe nog so ewe rustig met my “morone” ondersteuning en toe voel dit of ek die buitenste ruim betree het. Die sterretjies vlieg by my verby soos daai ou Windows screensaver (dis gewoonlik ‘n slegte teken as jy migraines kry) en ek kry sulke woeste krampe in my rug af en dit voel kompleet of iemand ‘n mes deur my hart steek. Dit was vrek seer en ek weet nog steeds nie wat gebeur het nie, maar dit was nie lekker nie.

 

DSCF4062

Ek hou toe maar uit en die ou kom toe daar aan en pluk al die naalde uit. Hy wou nog omdraai toe verduidelik ek eers dat daar ‘n helse pyn aan my linkerkant is, soveel so dat ek met moeite self regop gekom het. Toe word daar weer gevoel aan die muur en word ek weereens met naalde deurboor net om hierdie “kramp” verder my rug af te dryf.

 

DSCF4070

Hy het toe gesien dit gaan nie werk nie en verdwyn agter die gordyn. So kom hy aangestap met 2 sulke skietmasjientjie megafters…dit lyk soos daai goed waarmee hulle jou vinger by die bloedbank prik! Elk geval, die goed word toe in my nek en skouers ingeskiet…dit voel half of ‘n perdeby jou aanval, maar dis nie so seer nie. Dit het ook nie gehelp nie!

Die volgende woorde wat uit sy mond uitkom was “blah-blah-blah bleeding” Ek het natuurlik net die “bleeding” deel verstaan en maar net “ja” gese! Wat anders sal mens nou doen???

So het die ou toe met daai skieters van hom 11 gate op elke blad ingeskiet en sulke glasbubbles daaroor gesit. Die volgende oomblik begin die goed aan my vassuig en my “fotograaf/ondersteuner” het bleek geword en net gese dis baie gross. Hier het ek in my geestesoog presies gesien wat gebeur en ek was ook nie verkeerd nie! Soos daai goed aan jou vassuig, spuit die bloed by die gatjies uit en so bloei hulle jou. Ek het nie die vaagste benul wat dit doen en of dit enigsins gehelp het nie! Al wat ek weet, is dat as ek loop of op my rug le, is dit vrek seer as ek inasem en dit voel soos ‘n wind wat vassteek!

 

DSCF4079

Dit lyk soos alien boobies 🙂 al wat daarvan oor is, is 2 bloukolle!!!

 

Heelaas het ek daar uitgestap sonder ‘n hoofpyn en dit het my ongeveer R45 gekos. Vrydagoggend maak ek maar weer so, aangesien dit langnaweek is!!!

Julle dink seker ek is mal om terug te gaan, maar as mens so desperaat is soos ek dan doen jy enige iets! Ek kan nie langer ELKE dag pynpille drink nie!!!

 

*Ek het gaan soek…die metode staan bekend as “blood cupping” en daar is soveel verskillende vorme van “cupping” wat gebruik kan word. Dit kom daarop neer dat dit veronderstel is om erge pyn op ‘n spesifieke area te verlig deur die stimulering van bloedvloei en wie weet wat als nog. Ek weet darem nie of ek daarvoor gaan val nie, maar dit was nie seer nie, so ek sal dit weer doen. Dalk werk dit op die ou einde.

 




Kalender

Junie 2008
M D W T V S S
« Mei   Jul »
 1
2345678
9101112131415
16171819202122
23242526272829
30  

Wie’s hier…

counter

Van waar gehasie?

Waar is wat?

Flickr Kiekies

waarnatoe volgende...

  • Geen

Blog Statistieke

  • 44,400 houe
Page copy protected against web site content infringement by Copyscape

Bladsye