Archive for Augustus, 2008

27
Aug
08

Ramsar, Upo en ‘n baie warm dag

 

DSCF5928

Ramsar is ‘n internasionale verbond vir die bewaring en volhoubare benutting van vleilande wat op ‘n vergadering op 2 Februarie 1971 in Ramsar, Iran gestig is. Die verbond het op 21 Desember, 1975 in werking getree en het tans 154 nasielede.

Die offisiele titel van die Ramsar Konvensie is “The Convention on Wetlands of International Importance, especially as Waterfowl Habitat.” UNESCO en Wetlands International word ook met Ramsar geassosieer. Onder die konvensie word verstaan dat vleilande ‘n waardevolle natuurlike bron is op sosiale, kulturele en ekonomiese vlak en dat dit nie kan herstel word as dit eers verlore gegaan het nie.

Groot aksies is in die verlede geloots om die vleilande hoofsaaklik as habitat vir watervoels te beskerm. Meer onlangs het Ramsar meer aktief geraak, nie net in die beskerming van water- en vissery-hulpbronne nie, maar werk ook om die lewenskwaliteit van mense in die bepaalde omgewing te verbeter.

Ramsar monitor 1 650 offisieel gelyste vleilande van internasionale belang. Korea het 5 vleilande op die lys, waarvan Upo vleilande, waar ek was, een is. Korea bied dan ook later vanjaar die 10e konferensie in die Gyeongsangnam-streek aan waar die toekoms van vleilandei in Korea onder andere bespreek sal word.

DSCF6064

Met die bogenoemde agter die rug kan ek nou by my eintlike storie uitkom 😉

 

Ek het al vergeet ek was op vakansie en het so ruk terug begin skrywe aan wat ek als gedoen het, maar intussen het ek weer iewers verdwaal langs die pad en oor ander goed geskryf.

 

Wel, die vleilandekspedisie was dag 2 van die somervakansie aangedurf, en het ons met sterre in ons oe en baie opgewonde op ‘n bus na Changnyeong geklim. Volgens die inligting wat ons kon kry oor Upo vleilande kon mens sommer met die bus vanaf die dorpie daarheen ry. JAAAAA, RIGHT!

 

Daar aangeland, laat op ‘n Sondagmiddag, opsoek na ‘n bus…”No bus” se die man en wys vir ons die taxi. Klim toe maar in die taxi en daar gaan ons. Dit was nogal ver en het ons sakke onverwags geruk, maar darem nie te erg nie. Ons het by die winkeltjie op die perseel uitgevind dat daar nie meer busse is nie en dat mens ‘n taxi moet vat so laat.

 

Op daardie stadium het ons nog nie blyplek gehad nie, maar dis nie eintlik ‘n bekommernis in Korea nie, want jy stap net in by ‘n plek en jy’t slaapplek, wel gewoonlik. Ons het toe die grondpaadjie al langs die Upo vleiland, met ons rugsakke, aangedurf.

 

DSCF6171

 

 

DSCF6004 Met die eerste oogopslag was ek mal daaroor. Dis so mooi groen en doodstil….behalwe vir die sonbesies wat mens die mure kan uitdryf 😉 Dit het egter vinnig begin donker word en moes ons weer ‘n taxi kry vir die teruggaan slag, maar in daai “valley” moet jy die taxi bel, want hulle ry nie rond soos in die ander plekke nie. Dit het gelukkig maklik gegaan en ons het ook nie lank gewag nie. Dis nou juis hier waar die sports, of nagmerrie begin. Hang af hoe jy daarna wil kyk.

 

Die taxidrywer kan nie rerig die rooitaal gooi nie, so ons probeer maar met ‘n baie beperkte Koreaanse woordeskat verduidelik dat hy ons by ‘n Motel/Hotel, moet aflaai. Ons ry die dorp binne en hy stop by die eerste plek, maar ons het net vir mekaar geloer en amper gelyk ons koppe geskud. Ons vra toe hy moet ons na ‘n beter plek toe vat, want daai ene het nie wel gelyk nie.

 

Ag, vadertjie tog, moes ons nou juis dit vra?! Toe ek weer sien ry die man uit die dorpie uit en is ons op die highway. Ons altwee skuifel ongemaklik op die agterste sitplek rond soos daai metertjie al vinniger hardloop. Toe hy 10 000 slaan, het ek gedink, OK, ons split dit darem, maar toe slaan hy 20 000, 21, 22, 23… Hoe meer ons vra hoe ver nog, hoe meer se hy net 5min!

 

DSCF6038Toe ons weer sien is ons in die volgende dorp, Bugok! Ek het nog nooit so vinnig uit ‘n taxi geklim nie. Die dorpie, het ons toe later uitgevind, is soos ‘n vakansieoord met allerhande spa’s en stuff. Elk geval, in by die eerste hotel…”solly, no loom” hahahaha, ok….

 

Stap so bietjie rond, want daar is baie plekke om van te kies. Mission sommer by die volgende hotel in…

 

(Maar nou moet ek eers bietjie agtergrond gee oor die motelle en hotelle hier in Korea…Die plekke het amper almal sulke toue wat by die parkeerarea soos ‘n gordyn hang, sodat mens nie die karre se registrasienommers kan sien nie. Nou dink julle seker, duh….mens kan dit seker uitfigure. Ja, ek het al in die plekke gebly, want dis al wat daar is en dis rerig nie sleg nie. Die Koreane noem dit egter “love motels”. Nou ja, ek het al in ‘n paar gebly, maar nog nooit iets snaaks of ongewoon teegekom nie. So is daar mos altyd ‘n eerste keer vir alles in die lewe.)

Ons vra vir ‘n kamer en die maer, ou omie vra “for one” ( hy het my nie gesien nie) en ek se toe om die hoek, “no, for two.” Hy het omtrent sy kop deur die gat in die glas gedruk om my te sien, ek sweer hy kan om ‘n hoek sien. Toe hy sien ek is ‘n vrou, kry hy so glimlag en vra so ewe “for moment or sleep?” My travelbuddy het die ou hoogs verontwaardig aangekyk en gese, “for sleep!” Later het hy aan my gevra, “wat dink die ou, dis na 10 in die aand. Natuurlik wil ons slaap!” Ek het net gesmile en toe verduidelik, want dit was sy eerste kennismaak met ‘n Koreaanse motel.

 

Al laggende die trappe op na ons kamer, net om die deur oop te sluit na ‘n moerse plek! Dit was huge…die badkamer het ‘n blerrie swembad met fonteine en stuff gehad. ‘n Platskerm tv, ‘n dubbel en enkelbed, rekenaar, yskas en wat my travelbuddy gedink het ‘n maseerstoel was. Julle, ek het daai stoel net een kyk gegee en try uitfigure hoe dit nou sal werk en toe tref dit my! This is NO massage chair!!!

 

 

DSCF6026

DSCF6028

 

 

 

 

 

 

 

Ek het gele soos ek lag en ons spot nou nog daaroor! Jy moet so ewe ‘n 1000 won noot invoer, maar die ding het nie gewerk nie! Nie wat julle dink nie!!!! Ek was net nuuskierig 😆

 

Ons het toe weer vroeg opgestaan die volgende oggend om ‘n bus terug te kry na Changnyeong, wat aansienlik goedkoper as ‘n taxi was. Op Changnyeong aangekom het ons reguit na die busterminaal toe gestap om ‘n bus vleiland toe te vang. Ons luck was in (so het ons gedink) en kry toe ‘n bus. Die ou wat ons die vorige dag gehelp het was ook op die bus en het heeltyd iets oor “2” gese. Wat??? Nog 2 kilometer, 2min???? Wat? Ons het net geja en amen.

 

Toe ons weer sien stop die bus, maar dit was alles behalwe by die vleiland! Nou moet julle ook net weet dat dit moer warm is en dit was nog 12 uur in die dag ook!

 

 

DSCF6041

 

 

Daar het ons uitgevind wat die ou probeer se het. Julle 2 idiote kan nie tot by die vleiland gaan nie, julle moet 2 kilometer stap tot daar!!!! My moed het in my skoene gesak en dit met my rugsak daarby!

 

Om 2km te stap is niks, maar in daai hitte, sonder enige koelte was dit nag. In die begin was ek nog heel ok en het foto’s geneem en orals ingekruip vir interessante hoeke ens.

 

 

DSCF6046

DSCF6048

(Wip, jy moet net se as jy nog knoffel vir jou blog soek. Die Koreane is besig om ‘n army teen vampires reg te kry)

 

 

 

 

DSCF6044

 

 

 

DSCF6052

DSCF6058

Die bees het nie lekker gelyk nie. Moes die hitte gewees het…

 

 

 

 

 

Soos ons gevorder het het daai sonnetjie begin somme maak met my. Ek het lanklaas in my lewe so siek gevoel. As ek water gedrink het het dit my naar gemaak…Ons het gelukkig in een stuk daar aangekom, maar toe was ons ook nie meer lus vir ‘n stapsessie om die vleiland nie, want dit vat 5ure! Ons het ons sakke by die winkeleienaar gelos en maar gekyk hoe ver ons kan vorder.

 

 

DSCF6077

DSCF6138

DSCF6116

 

 

 

Ek moet se ons het nogal ‘n entjie gestap, maar my lus om foto’s te neem was uit my uitgebrand! Ons is daar by ‘n klomp trappe op na ‘n uitkykpunt en ek was nie heeltemal beindruk nie. Ek het later net gedink: “Ok, ek het dit nou gesien! Kan ons nou huistoe gaan?” Die eintlike rede vir die besoek was om voels te gaan kyk, maar ons het boggerol gesien behalwe 2 verskillende eende en witreiers! Ons sal in die winter teruggaan en dan skryf ek weer oor hoe ek gevries het 😉

 

Al die interessante gediertes wat ek gesien het het darem bietjie opgemaak vir die ekstreme hitte en moegheid.

 

 

DSCF5975

DSCF6067

DSCF6083

DSCF6092

DSCF6107

DSCF6156

 

 

 

 

So mooi as wat dit was, was ek goed gatvol vir die hitte en was ek baie bly toe ons na ons volgende bestemming kon vertrek.

 

Die ou vakansietjie was lekker, maar dis nou snaakser as wat dit toe was. Om jou vakansie af te skop met al die bad luck met taxi’s wat ons gehad het is regtig nie lekker nie. So leer ‘n mens, maar ongelukkig is dit altyd ‘n blerrie duur les in Korea!

 

 

DSCF5941

Advertisements
25
Aug
08

My hart lag (tag)

Wipneus het my getag om te se wat my gelukkig maak.

Om eerlik te wees, dit vat nie veel nie…Ek waardeer die klein goedjies in die lewe baie meer as dit wat geld kan koop.

 

 

22a

 As ek die see kan ruik en net langs die strand kan stap en in rotspoele rondgrawe is ek op my gelukkigste. Maar ook nie enige see nie, dit moet in die Kaap wees. Ek het my hart lank terug al daar verloor en die plek maak my gelukkig.

 

 

 

Patrick kuier (21 June) 048Omring deur die skoonheid van die natuur laat ‘n rustigheid in my agter wat nie anders kan as om ‘n glimlag op my gesig te laat nie.

Om my kosbare vriende en familie gelukkig te sien maak my gelukkig. As ek ‘n glimlag op iemand anders se gesig kan sit, al is dit deur ‘n totale krater van myself te maak, dan is ek gelukkig. Dit gaan oor die samesyn, die daar wees vir mekaar en die werklike omgee.

 

Ek is nie een vir groot groepe vriende nie en ek kies hulle sorgvuldig, maar die handjievol wat ek het weet ek sal enige iets vir hulle doen en hulle vir my. Die mense vir wie ek lief is is vir my baie belangrik.

 

 

art, damyang 12Jul 166

Om langs ‘n liefde te sit in stilte en om te weet dis nie nodig om enige iets te se nie, want die konneksie wat daar is is genoeg. Om te weet dat daardie persoon jou nie wil verander nie en dat hy jou lief het vir wie en wat jy is.

 

 

 

 

Fritz

Diere en gediertes bly my na aan die hart en ek kan liries raak oor die kleinste gogga. My honde was natuurlik nog altyd my “pride and joy” en hulle het my nog altyd gelukkig gemaak. Hulle verstaan soms net beter as niemand anders wil nie 😉

 

 

 

 

UlleungdoDokdo(6-9Jun) 261

 As ek my kreatiwiteit kan uitleef, hetsy deur foto’s te neem, te skilder, sommer net te doodle of iets uit klei te maak, kan jy met my toor. Dit plaas my in ‘n ander wereld. Natuurlik is ek ook mal oor musiek en ek luister omtrent na alles.

 

 

 

 

Die wete dat ek NOOIT alleen is nie en dat die Vader vir my al hierdie dinge, en soveel meer, elke dag gee wat my gelukkig maak, laat my hart lag.

 

DSCF7009

 

“The best things in life are free” mens moet net besef wat rerig belangrik is in die lewe en dit vat regtig so min om gelukkig te wees.

Volgende tag ek vir MJ en wie ookal wil saamspeel…

24
Aug
08

‘n Mors van tyd en energie op ‘n Saterdag

shasha english camp 23aug 004

 

Ek was so gelukkig om Saterdag te werk, omdat ons ‘n English Camp vir die kids aangebied het! Dit was alles behalwe fun vir my gewees, want ek moes van 11 tot na 8 agter kinders en ouers aanhardloop. Ons moes fisies klasgee, maar met al die kinders se broers, susters en ouers in die klasse was dit chaos.

 

Moenie dink die kinders het enigsins geluister omdat ma en pa daar was nie. O nee, die hele storie het toe eers in ‘n sirkus ontaard! Ek het ook gesien dat die gewone kakmakertjies, maar met dieselfde truuks by ma en pa trek. Daar blameer ek die ouers en ek gaan nie hulle nonsens vat nie, al sit jou ma agter jou! As sy jou dan nie wil stilmaak nie dan doen ek dit!

 

‘n Paar ouers was seker nie gelukkig daaroor nie, maar hemel! Mens kan ook net soveel abuse van kleuters vat voor jy snap!

 

 

shasha english camp 23aug 007Physical education (LO soos ons dit ken).

Die speletjie se naam is “sponge the deck” waar hulle met sponse, water na ‘n lee houer moet oordra en die span wat die meeste water oordra in ‘n bepaalde tyd wen.

Die kinders en ouers was in 2 groepe ingedeel en het dan tussen klasse gewissel, want hulle was net te veel vir die klein skooltjie.

 

 

shasha english camp 23aug 015

 Music and Art

Hier leer my dierbare kollega, Carry, die kinders en ouers die bewegings wat saam met die liedjies wat hulle leer gaan. Ek is so bly dit was nie ek wat my naam so met ‘n plank moes slaan nie, maar die ouers was great sports gewees.

 

 

Hieronder is ‘n kort video van die laaste deel van “Mother Gooney Bird”. Let op die klein outjie heel regs, voor…hy is elke dag so deur die slaap. Hy is regtig ‘n uitdaging!

 

 

Volgende het my nagmerrie begin tussen die klas en die kombuis! Dis erg genoeg op ‘n gewone dag om iets met die lot in die kombuis te doen, maar met die ouers ens. ook nog agterna…Ek het net laat gaan!

 

shasha english camp 23aug 024

Math & Science (and cooking in one – hulle was weer lekker aspris)

Elk geval; eers moet die hele storie aan die klomp verduidelik word en dan moet hulle ‘n prentjie teken. Volgende sit hulle af kombuis toe en hande word gewas en voorskote word aangetrek. Daarna weet ek hulle het Icecream Sundaes gebou (ek se mos dit was chaos, ek weet nie wat om my aangegaan het nie).

Op een of ander stadium het hulle weer hul voorskote uitgetrek en teruggemission klas toe om hul skeppings te eet en weer te teken!

Terwyl hulle dit gedoen het het ek verslae in die gang afgekyk na die gemors wat in die kombuis agtergebly het. Dit het gelyk of een ‘n roomysbom laat ontplof het, met sprinkles en stroop oral tussen- in.

 

Hier is ‘n paar foto’s van die Sundaes. 

 

 

shasha english camp 23aug 016

shasha english camp 23aug 018

Links: Mindy en haar ma. Rerig ‘n oulike dogtertjie en skerp. Sy het soms haar nukke en grille, maar watter kind het nie?

Regs: Tim *sug* so opvreetbaar oulike gesiggie as wat hy het, sal ek hom gelyk maak met die aarde!

Geen maniere en ore en ma en pa kan ook nie gepla wees nie…Nog net 9 weke!

 

 

Ek het wonder bo wonder die roomys-nagmerrie oorleef en die kinders ook 😉

Volgende het hulle gesigte geverf en het hulle ballondiere gemaak in die Creative Art klas (ek sou hierdie meer geniet het).

 

shasha english camp 23aug 030

shasha english camp 23aug 029

Links: June en sy ma. Dis die oulikste kind hierdie. Hy is die enigste seuntjie in die klas (hulle is nou net 3).

 Regs:Joe, Joe, Joe…Sy ma gee hom “springs” vir ontbyt! Hy is ook ‘n hand vol en baie meer as waarvoor ek kans sien op die oomblik. Ek wil hom ook meeste van die tyd ‘n taai klap gee, want hy sal terugpraat in Koreaans en dan lag die ander! As ek hom aanse om iets te doen dan se hy net “NO” en lag. Ek sal ‘n aar bars van woede…Dis hoeka die knapie wat mos vir my se ek is nie ‘n teacher nie, ek is ‘n speelmaat!

 

 

shasha english camp 23aug 060

 

Daarna het ons ‘n vasvra gehad wat ek moes doen en dit val dan onder Language Arts. Dit was omtrent ‘n geskree en die ouers het hulle gestrip as ek nie hul kinders vra vra nie, maar die een wat eerste sy hand opsteek is die een wat ‘n beurt kry!

Na die geskreeu in my ore en gegryp aan my arms het ons aandete ge-eet. Daar was weer iets van alles en moes ek eers weer ordentlik uitvra oor wat alles presies is. Ek moes die foto’s ook maar skelmpies neem, want ek dink nie die director sou dit waardeer het nie. So hier is dit dan nou…

 

shasha english camp 23aug 072

shasha english camp 23aug 073

 

 

Lekker hoender en vars slaai (net blare) met ‘n pynappel of kiwi slaaisous.

 

 

 

 

  

shasha english camp 23aug 079

shasha english camp 23aug 080

 

 Lekker kleurvolle slaai met kiwi’s, tamatie en ek vermoed appelstukkie en wie weet wat nog daarin.

 Hierdie oranje gedoente was koue pampoen wat so in witbrood toegedraai is. Natuurlik het ek verby gehou.

 

 

 

 

shasha english camp 23aug 081

shasha english camp 23aug 083

 Die goed wat soos swartmossels lyk is eintlik groen. Dis ryskoekies gevul met een of ander bone en dit lyk nie wel nie.

Regs is Gimbap en dit is altyd lekker, wel gewoonlik 😉

 

 

 

  

shasha english camp 23aug 084

 

Dan was daar natuurlik ook rys en opgekookte varkvleis, 3 verskillende soorte kimchi en ‘n slaai waaroor ek net my kop geskud het en die vrugte uitgevis het. Die slaai het ingehad: appel, kiwi, lemoen, piesang, tamatie, mielies en kwarteleiertjies. Die goed wat hulle bymekaar gooi is vir my baie vreemd! Ek was verbaas dat daar nie patats in was nie, want dit sit hulle mos in alles, tot op hule pizza! Hulle en ook ‘n sweet potato late….

 

Na die ete is daar ‘n vuur gemaak en ek het lekker gelag. Hul idee van ‘n vuur maak is afvalhout (pressed wood) vasgemaak met draad om regop te bly en 2L brandstof! Dan wou hulle malvalekkers daaroor braai! Ek het net my kop geskud, gesmile en foto’s geneem!

 

shasha english camp 23aug 105

So het die nagmerrie ook tot ‘n einde gekom en kon ek gaan slaap!

18
Aug
08

Van die see na groentee

Boseong,Yulpo 022

 

 

Langnaweek in Korea is altyd lekker, maar met die somer saam is dit vrek besig oral in hierdie land.

Ek het Vrydagmiddag op ‘n bus gespring en vertrek na Boseong wat aan die Suidkus van Korea gelee is in die Jeollanam-do provinsie (waar ek ook bly). Daar aangekom moes ek eers weer ‘n bus na Yulpo beach toe vat, want ek mos net by die see bly. Ek het ernstige onttrekkingsimptome, maar die see in die deel van die wereld is nie waaraan ek gewoont is nie.

 

 

Boseong,Yulpo 058

Boseong,Yulpo 015

Boseong,Yulpo 076

 

 

Die see lyk meer soos ‘n dam en daar is geen branders nie. Die water is bruin van al die modderige sand wat rongespoel word tydens laaggety en swem in daardie water is so uit soos ou brood vir my! Ek was teleurgesteld, maar dan moet ek darem ook se dat nie al die strande so lyk nie.

 

 

Boseong,Yulpo 063

 

  

Een ding wat opvallend is is die afwesigheid van skulpies op die strand. Mens sien so hier en daar ene, maar dis maar skaars.

 

 As mens by die see is moet mens dan seker ook iets eet wat uit die see kom en hierdie keer het ek Jajang-myun ge-eet wat met bietjie vars seekreature opgespice was. Dit was die veilige keuse, want oral waar jy stap is restaurante wat vreemde visse en ander snaakse seediere in tenks op hul voorstoep uitstal. Daar is swartmossels so groot soos bakstene, “spoon worms”, palings, bloukrappe en seekomkommers. Ek gee nie om om die goed te probeer nie, maar hoe vra jy dat hulle dit moet gaarmaak en ‘n kans om ‘n bord vol rou vis te kry wou ek nie waag nie.

 

 

Boseong,Yulpo 029

Boseong,Yulpo 033

 

 

 

 

 

 

 

 

Die eintlike rede vir die uitstappie was om na die groentee-plantasies in Boseong te gaan kyk. Die weer het egter Vrydag nie so lekker saamgespeel nie en dit het gereen. Saterdagoggend het dit darem beter gelyk, alhoewel daar baie vog in die lug was en die drukkende hitte swaar oor my gehang het.

 

Voor mens by die plantasies uitkom stap jy eers deur ‘n 100m laning Sederbome wat hoog bo jou uitpruik en die groenste groen heuwels wat rondom mens uitstyg.

 

 

Boseong,Yulpo 080

Boseong,Yulpo 093

Boseong,Yulpo 101

 

 

Die Boseong teeplantasie is baie bekend en menigte rolprent en advertensietonele is ak daar verfilm. Die plantasie is die grootste in Korea en verskaf 40% van die land se groentee.

 

Die plantasie is oorspronklik deur Japanese kolonialiste aangeplant in 1939. Die plantasie is egter agter gelaat na die Japanese koloniale era in 1945, maar die Koreane het weer die plantasie aan die gang gekry in die laat 1950’s.

 

 

Boseong,Yulpo 114

 

  

Toe ek uiteindelik die plantasie bereik moes ek nog ‘n stel trappe klim om die wonderlike uitsig van bo te aanskou. Ek kan nie met woorde beskryf hoe mooi dit is nie. Die golwe teeplantasie vou mens toe in groenigheid en daar is iets magies omtrent dit. Die hitte was sommer gou vergete en ek het in bewondering die landskap ingedrink.

 

 

Boseong,Yulpo 145Boseong,Yulpo 129

 

 

 

 

 

 

 

 Daar was natuurlik oral plek om allerhande groenteeprodukte te koop, maar ek het maar verby gehou met die tee en eerder ‘n paar skoonheidsprodukte in my mandjie gelaai. Die groentee roomys is nie te sleg nie, maar disnie iets waarvan ek te veel kan eet nie. Dit het maar ‘n vreemde smaak en roomys is nie veronderstel om so gesond te wees nie 😉

 

Al die kosse wat op Boseong bedien word het die een of ander vorm van groentee in en dit smaak ook nie te aardig nie, solank dit matig gebruik word. 

All in all was dit ‘n heerlike rustige naweek wat weereens hopeloos te vinnig verby gevlieg het.

  

Boseong,Yulpo 163

 

 

 

12
Aug
08

Vuurwerkskouspel in Pohang

DSCF1090

 

 

My vakansie van so 2 weke terug, wat voel of dit nooit gebeur het nie, het afgeskop met ‘n vuurwerkskouspel in Pohang. Die fees word jaarliks aangebied en is ‘n Internasionale kompetisie waaraan Japan, Rusland en Korea deelneem.

Met ons aankoms was ons aangenaam verras met ‘n optog wat na die feestelike verrigtinge oppad was en dis ook hier waar ek besef het die gaan ‘n groot storie wees.

 

 

DSCF5846

DSCF5855

DSCF5863

 

 

Die vertoning was op Bukbostrand aangebied met ‘n verhoog in die water en derduisende mense op die strand. Ons het so ewe gedink ons sal vroeg die middag gaan om darem nog bietjie te swem ook, maar teen die tyd wat ons daar aangewals gekom het was dit ‘n miernes, wat Durban oor Kersfees nog nooit gesien het nie.

 

 

DSCF5876

 

 

Ek is nie iemand vir sulke massas mense nie en met die drukkende hitte wat soos ‘n wolkombers sy kloue om jou vou sal enige iemand entevrees he.

Ons het nie een kan gesien om op die strand te gaan staan nie en het toe maar ‘n oop gaatjie by ‘n restaurant gaan soek. Ons is vinnig deur ‘n Koreaanse vrou in ‘n rooi vorskoot nadergehark en sitgemaak waarna ons die een of ander bord goed bestel het waaroor nie een van ons heeltemal seker was nie. Dank Vader dit was gaar, want die lot het die gewoonte om als wat uit die see kom te eet en dit nog rou ook!

 

 

DSCF5891

DSCF5895

Before and After 😉

 

 

 

 

 

 

Ek was toe aangenaam verras met hierdie heerlike bord gebraaide vis en het behoorlik my lippe afge-eet! Varser sal jy nerens kry nie.

 

Ons het nog gedink ons gaan sommer van die restaurant af sit en kyk na die vertoning, maar dis nie so maklik nie. As jy klaar ge-eet het moet jy waai sodat die volgende lot kan aansit om iets te eet. So het ons maar nader gestaan toe een begin babbel in Koreaans oor luidsprekers. (Daar was darem ook ‘n ou wat alles in Engels ook gese het)

 

Japan was eerste aan die beurt en met die eerste vuurwerk wat ontplof het het ek skoon my opgewondenheid ingesluk! Waar is die vuurwerke dan nou??? Dit lyk eerder of aliens ons besoek!!!

 

 

DSCF5914DSCF5924

 

 

 

 

 

 

 

Met al die vog in die lug in hierdie simpel somerweer wat Korea het het dit alles opgeduiwel vir Japan, maar hulle het die lug “skoongeskiet” vir die opvolgers! So paar meter bo die see was die lug egter skoon en oop, aar die Japanese se vuurwerke was alles goed wat vrek hoog geskiet was. Op die ou einde was hulle vertoning ‘n groot teleurstelling.

 

Die Russe aan die anderkant het natuurlik gat geskop! Die vuurwerke het gesinkroniseerd met die mooiste musiek afgegaan en hul vuurwerke was laer geskiet en kon mens dit waardeer.

 

 

DSCF5831

 

DSCF5828

 

DSCF5833

 

Die Koreane het ook gebruik gemaak van musiek en dit was ook briljant! Die Japanese het sleg op hul neuse gekyk na Rusland en Korea se vertonings.

 

DSCF5843

 

DSCF5882

 

DSCF6005

 

 

Na die asemrowende skouspel van liggies en musiek is ons soos ‘n trop beeste wat deur ‘n drukgang moet gaan daar uit! Om ‘n taxi teug te moes vat na die busterminal sou ons bankrot gelaat het met die verkeer en ons besluit toe om te stap! Ja, dit was slim! Dit was donners ver en hier is ons almal gewoont aan kilometers stap! Dit alles net om by die verkerde busterminaal uit te kom! Teen daardie tyd het die laaste bus reeds gery en moes ons ‘n taxi terugvat na ons dorp 25km verder!!! Duur beskryf nie daai ou se fooi nie, maar so leer ‘n mens mos maar!

 

 

DSCF5793

DSCF5812

 

 

 

 

 

 

 

All in all was dit regitg stunning en weereens ‘n ervaring waaroor ek weer lekker kan lag as ek terugkyk daarna. Glo my, dit was nie die eerste en die laaste stel wat met ‘n taxi afgetrap is nie, maar ek skryf later daaroor.

 

Hier is videos (verskoon die stampe en stote, maar die mense was bietjie baie en het opmekaar gestaan) van die vertonings van Rusland en Korea asook ‘n video van vuurwerke wat met nuwejaar geskiet is toe ek in Homigot was.

 

 

 

 

 

11
Aug
08

Jy’s ge-“brand”-merk

Wipneus het my so ruk terug getag om my Koreaanse “brands” te wys, maar agv vakansie en my rekenaar wat in ICU was, het ek net nie daarby uitgekom nie.  Op die stadium meng die Olimpiese spele ook sleg in met alles wat ek nie voor die TV kan doen nie.

                                                                                           

 

Tandepaste:

 

Dis maar ‘n kans wat jy vat, maar die tandepaste was darem nog nie sleg nie.

In SA is dit Colgate herbal.  

 

Wasgoedseep:

 

 

 

 

Al wat ek weet is dat dit ‘n Vanish produk is…die vorige waspoeier was nie bad nie, maar ek weet ook nie wat dit was nie.

In SA het ek Bio-classic gebruik.

 

 

 

 

 

Skottelgoedseep:

 

Solank dit skoonmaak, wie gee om wat die naam is???

In SA was dit Sunlight…ek dink…of whatever…

 

Lyfseep:

 

 Enige iets wat lekker ruik…Mens kry darem Niveaprodukte ook hier en ek hou daarvan ook en dan natuurlik Johnson & Johnson se lekker seep…

Ek probeer gereeld iets anders.

 

Parfuum:

2 waarop ek versot is en wat mens ook hier kry.  Op die oomblik is ek op die Kenzo, want my appeltjies is klaar…

 

 

 

 

 Chocolates:

 

Dars se wit sjokolade is blerrie lekker en die Dove is net so lekker soos Cadbury’s.  Mens kry ook Kit Kat hier in wit-, bruin- en donker sjokolade.

In SA is ek natuurlik ‘n Milky Bar fan en jy kan my omkoop met lekker donker sjokolade.  Hoe donkerder hoe beter!

 

Chips:

Ek eet nie eintlik chips hier nie, want dis alles soet en regtig nie lekker nie! Die Koreane is nie groot op sout nie!  Ek kry darem Pringles hier, maar nie sout en asyn nie!  Dis die eerste ding wat ek koop as ek my voete in SA sit! ‘n Moerse pak Simba chips en ‘n peppersteak pie!

Kougom:

Alles hier is gegeur en is nie naastenby menthol nie.  Die enigste een wat ek so nou en dan koop is Xylitol se apple-mint.

Ek mis my Airwaves…die rooies en perses!  Ek bly weg van die swart pakkie…dit proe te veel soos zambuca 😉

 

Aanmaakkoeldrank:

Hier bestaan nie so iets in Korea nie!  Ek hou van Oros en my Jannie-verjaar-koeldrank!

 

Grocerywinkel:

Home plus en E-mart is die beste en het lekker SA wyne ook 😉

Kar:

Koreaanse taxi’s en busse…

In SA het ek ‘n Atoz gehad

Klere:

Labels het my nog nooit gepla nie en ek koop orals!

Bank:

Kwangju bank

In SA is dit FNB

Selfoon:

Hier het ek ‘n SAmsung anycall en in SA het ek ‘n Samsung en ‘n Nokia gehad…(2 selfone, want my baas het my sommer op ‘n So gebel as hy so gevoel het, so ek kon my “werksfoon” afsit)

Rekenaar:

‘n Sambo computer…net hulle sal weet wat dit is…

In SA het ek ‘n Samsung desktop, wat ek reken nou my broer s’n is tot ek seker eendag weer terug is by die huis.

06
Aug
08

die legkaartstukke

Rene het my getag

mosaic5606638

Die foto’s in die mosaiek is antwoorde op die volgende vrae:

Wat is jou naam?

Wat is jou gunsteling kos?

Watter hoërskool het jy bygewoon?

Wat is jou gunsteling kleur?

Watter vermaaklikheid ster is jou gunsteling?

Jou gunsteling drankie?

Jou droom vakansie?

Gunsteling nagereg?

Wat wil jy wees wanneer jy groot is?

Wat in die lewe het vir jou die meeste waarde?

Een woord om jouself te beskryf?

Jou blog/flickr/chat naam?

1. My geheim, 2. Cajun Chicken Salad on Onion Bagel, 3. Sunset Farm (Vertorama), 4. Turquiose water on Koh Nang Yuan, 5. Jason Statham, 6. Pouring red wine 2, 7. Community in Santorini, 8. one scoop or two?, 9. Sherlock Holmes, 10. blessing of nature, 11. Positive Energy, 12. (1) Thank goodness it rained!

Volgende tag ek vir Mocka Java




Kalender

Augustus 2008
M D W T V S S
« Jul   Sep »
 123
45678910
11121314151617
18192021222324
25262728293031

Wie’s hier…

counter

Van waar gehasie?

Waar is wat?

Flickr Kiekies

waarnatoe volgende...

  • Geen

Blog Statistieke

  • 44,533 houe
Page copy protected against web site content infringement by Copyscape

Bladsye