20
Aug
09

‘n 1001 man

 

DSCF6807

 

 

 

Die heilige gebou Rengeo-in, wat ook bekend staan as Sanjusangen-do, in in 1164 AD opgerig onder die bevel van keiser Goshirakawa. Hy het sy lewe gewy aan Kannon Bodhisattva en het gepoog om vrede oor die hele land te bring deur Budhisme te bevorder.

 

Die naam Sanjusangen-do beteken “Hall of 33 bays”. Die nommer 33 is afkomstig van die Kannon Bodhisattva wat die mensdom sal red deur homself te vermom as 33 verskillende figure.

 

Die argitektuur van hierdie saal is gebaseer op die rangskikking van die 1001 Kannon standbeelde op die altar met 33 sones. Die gebou is 118.8m lank en ongeveer 16.5m breed. Hierdie gebou het egter in 1249 afgebrand, maar is deur keiser Gosaga herbou. Hierdie nuwe saal met sy 1032 beelde, soos vandag nog gesien, is in 1266 AD voltooi.

 

So, wat maak hierdie gebou so spesiaal dat ek dit nodig ag om met julle te deel? Wel, van buite is dit maar vaal en vervelig, maar wat binne staan en wag het my sprakeloos gelaat. Ek was egter bitter teleurgesteld dat mens nie foto’s mag neem nie (geldmaak foefie), maar soos die meeste van julle weet probeer ek tog altyd om ‘n steelfoto in te kry. Die foto’s kan ongelukkig nie naastenby die gevoel van hierdie skepping weergee nie, maar dit gee mens tog ‘n idee.

 

 

 

S7306335

DSCF6821

 

 

 

So, hier staan die besonderse 1001 man. Dit lyk vir my meer soos vrouens, maar wie is ek om te stry 😉

 

 

 

DSCF6958

DSCF6796

 

 

 

 

 

 

 

 

 

 

 

 

In die middel van die saal is die hoof Kannon Ju-ichimen-Senjy-Kanon of ook verwys na as Ekadasamukhasahasrabhuja-Avalokite-svara. Hy het 11 gesigte en 1000 arms. Hy het 11 klein gesigte op sy kop en in werklikheid net 20 paar arms, maar elke arm red 25 werelde en simboliseer dus ‘n 1000. Hierdie beeld pryk ‘n volle 3.3m bo jou uit en mens kan nie help om te staar nie. Omdat daar geglo word dat hierdie Kannon homself kan transformeer na 33 verskillende vorme, kyk mens uiteraard eintlik na 33 033 Kannons.

 

 

 

DSCF6946

DSCF6803

Sommer net ‘n model van hoe die beelde van nader lyk

 

 

Elke Senju-Kannon figuur het ‘n oog op elk van hul 40 handpalms wat in 25 werelde kan in sien. Dus verteenwoordig dit ‘n 1000 oë.

 

Die ander 28 beelde is almal “guardian deities” van Kannon en die meeste is nogal vreesaanjaend. Ek gaan nie in detail ingaan nie, want dit kan my dalk net ‘n ewigheid besig hou, maar ek wys ‘n paar foto’s van hierdie beelde.

 

 

 

DSCF6805

 

 

S7306333

 

 

 

 

 

 

 

 

 

 

Van al hierde beelde kom slegs 37 uit die oorspronklike saal uit en die ander is na die vuur deur soveel as 70 verkillende beeldhouers geskep. Hierdie beelde is almal uit hout en met “gold leaf” gekleur.

 

Hierdie was dan ook die laaste historiese plek wat ons in Kyoto kon besigtig en ek is nie een oomblik spyt nie, want dit was absoluut die moeitewerd, al het ek amper beswyk toe my flash perongeluk afgaan 🙂

 

So bietjie humor buite die gebou…hul Engels is ook nie so wel nie…

 

 

 

DSCF6794

Advertisements

24 Responses to “‘n 1001 man”


  1. Augustus 21, 2009 om 12:21 vm

    Ek het sommer hoendervleis gekry toe ek jou steelfoto’s van die verbode objekte sien. 😯 Ek glo dis iets wat mens net met jou eie oe MOET sien – jy is baie bevoorreg!

    Let’s stop the walking-smoking – hulle se gatte! 👿

  2. Augustus 21, 2009 om 12:58 vm

    Baie interessant en ek hou ook van steel foto’s :-). Dankie dat jy vir ons gewys het. Hierdie ouens hier doen ook direkte vertalings en dis net so skreeu snaaks.

  3. 3 kyker
    Augustus 23, 2009 om 11:14 vm

    Sjoe. Dit lyk na ‘n gebou vol gepak met stories en geheime. Die groot houtdeure is ook baie mooi. Dankie vir jou steelfoto’s.

  4. Augustus 23, 2009 om 11:13 nm

    Dankie vir die inloer almal. Hoerdie plek was beslis iets wat mens moet sien en self moet ervaar.

  5. Augustus 24, 2009 om 7:55 nm

    Wow!! Weereens ‘n baie interessante inskrywing en nice foto’s. Dis hoekom jou blog een van my gunstelinge is 😉

  6. Augustus 24, 2009 om 11:18 nm

    Oe wow wow wow baie dankie Kaalvoete, dit is nou my tipe plek. Pragtig en baie dankie vir die deel.

  7. Augustus 25, 2009 om 4:45 nm

    Nice! Die ouens se Engels is gewoonlik vrek snaaks! Mens kry paar van daai tipe borde in SA ook. 🙂

  8. Augustus 27, 2009 om 9:23 nm

    Nice foto van die deure & hout vloer. Wonder hoe jy dit reggekry het om ‘n foto te neem sonder ‘n toeris in sig. Dit moes vroeg oggend gewees het. Nietemin, baie nice.

  9. Augustus 30, 2009 om 7:39 nm

    Wou jou nog gekomplimenteer het op hierdie uiters interessante inskrywing! Daardie eerste foto is groots!

    bluegrass, jy verstaan nie tot watter uiterstes mens moet gaan om sulke toeriste-vrye foto’s te neem nie. Soms moet mens maar net baie lank staan en wag en dan in ‘n blitsige sekond die knoppie druk.

  10. Augustus 30, 2009 om 9:14 nm

    Dankie Bib!
    Bluegrass, dit is nie maklik om sulke foto’s geneem te kry nie en dit is soos Bib se. Daar was soveel mense gewees, maar hulle het almal aan die anderkant van hierdie gebou saamgedrom, wat eintlik die voorkant is. Altwee kante lyk dieselfde, behalwe vir die mense 😉 Die foto was laatmiddag geneem!

  11. September 1, 2009 om 3:01 nm

    WOW. Dit is so cool!
    Jou travel-stories is altyd so interessant.

  12. September 2, 2009 om 11:41 nm

    Hou van jou nuwe banier. Is dit jou foto?

  13. 15 BB
    September 4, 2009 om 8:00 nm

    Soos BiB seg: Daai eerste foto is “Groots” – dis awesome!!

  14. 16 illuminerend
    September 7, 2009 om 3:23 nm

    Werklik pragtig om te aanskou.

  15. September 9, 2009 om 1:51 vm

    Sorry vriendin jy is getag 😛 Ekke kan nie help nie!!! LOL

  16. 19 kyker
    Oktober 9, 2012 om 2:32 vm

    Dis ‘n vreeslike mooi plek. Ek wens ek kon dit ook sien. Dankie vir al die mooi foto’s.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s


Kalender

Augustus 2009
M D W T V S S
« Jul   Sep »
 12
3456789
10111213141516
17181920212223
24252627282930
31  

Wie’s hier…

counter

Van waar gehasie?

Waar is wat?

Flickr Kiekies

waarnatoe volgende...

  • Geen

Blog Statistieke

  • 44,415 houe
Page copy protected against web site content infringement by Copyscape

Bladsye


%d bloggers like this: