Oedo is ‘n klein eiland wat deel uitmaak van Geoje, waar ek tans bly. Dis ‘n botaniese tuin wat in die Hallyeo Haesang nasionale park gelee is en mens kan slegs toegang daartoe verkry met ‘n boot vanaf Geoje.
Lee Chang Ho en sy vrou het in 1969 na die eiland toe getrek waar hulle begin het deur sitrus aan te plant en om met varke te boer. Dit het egter misluk en het sy vrou begin om inligting oor botaniese tuine reg oor die wereld te versamel. So het hulle dan begin om die klein eiland in ‘n tuin te omskep wat vandag meer as 3000 plantspesies huisves. Die eiland is ook die eerste wat onder privaatbesit was in Korea en is eers in 1995 vir die publiek oopgestel.
Ongelukkig kan mens nie meer as 90 minute daar spandeer nie, maar dis verseker die moeitewerd om te besoek. Die klassieke musiek wat gespeel word maak mens nog rustiger in hierdie moderne paradys. Daar is ook ‘n klein restaurant waar mens rustig kan sit en ietsie geniet, terwyl jy oor die see uitkyk, maar ons het ongelukkig nie tyd daarvoor gehad nie. Daar is ook ongelooflike beeldhouwerke wat oral vir jou loer, asook ‘n klein kerkie wat uitkyk oor die see en weg van al die mense.
Dis ‘n plek wat ek verseker weer sal besoek, al is dit net om daar koffie te gaan drink 😉
Stairway to Heaven
Die bekendste uitleg op die eiland
Die ruwe kuslyn van Oedo
Vanaf die Stairway to Heaven
Kerk
Se jou se